Listi fyrir barnið

Erfiðasti dagur lífs míns 

Í gær var klárlega erfiðasti dagur lífs míns, Læknarnir tóku okkur inná stofu og útskýrðu stöðuna, Fósturæðin hjá Önju hefur opnast í hjartanu og í kjölfarið af því er hún komin með lungnaháþrysting og sögðu læknarnir að staðan er orðin tvísýn og spurningin væri hversu langan tíma hún ætti eftir, svo það var ákveðið að hún myndi fara í þræðingu til að loka fósturæðinni í hjartanu eins og staðan var í gær að þá var hún of veik en hún ætti ekki langt eftir ef hún yrði ekki framkvæmd fljótlega, Erum gjörsamlega í rústi og ég er komin á þann stað þar sem að hjartað mitt getur ekki meir! Þessi kvöl er óbærileg, En vitiði það hún Anja mín er fighter og er hún langt frá því að fara að gefast upp. Nú er búið að ákveða að aðgerðin verður á mrg, og eru meirilíkur á að hún lifi hana af eftir að hún fékk lyfin  við lungnaháþrystinginum, Ég vona svo innilega að þessi aðgerð kaupi okkur en meiri tíma til að reyna að komast að því hvað er að hrjá hana Önju mína læknarnir halda því fram að hún sé eina í heiminum sem ber þennan sjúkdóm svo hún er að skrifa sína sögu sjálf við fylgjum bara á eftir. Anja er svo ofboðslega dugleg og þrátt fyrir allt þetta sem er lagt á hana glittir í smá bros. Mér léttir við því að hún er ekki eins viðkvæm fyrir því að opna smá augun og teygja aðeins úr sér. til allra hamingju er búið að lækka stuðninginn við öndunarvélina sem hún er barkaþrædd niður í þannig að lyfin eru greinilega að virka.

Ég er búin að ákveða það að aðgerðin gangi vel á morgun og bið ég góðan guð um að varveita hana.

kæru vinir ég vil biðja ykkur um að biðja fyrir Önju okkar að aðgerðin heppnist og færi ljós í lífið hennar á ný.

Kveikjum á kertum fyrir Önju í kvöld 

Ég þrái ekkert heitar en að fá Önju mína mína til baka 

Guðbjörg Hrefna Árnadóttir